Guðrún og Einar

Sidasta faerslan!

2008-03-26T12:52:00.001-07:00

Jaeja godir halsar,
vid erum stodd her a Heathrow flugvellinum i London og erum ad bida eftir flugi med Flugleidum HEIM! Thratt fyrir ad thetta hafi verid otrulegt aevintyri fra byrjun til enda tha verdum vid nu ad vidurkenna ad vid hlokkum ansi mikid til ad hitta mommu, Margreti og afmaelisbarnid Orra i Keflavik i kvold. Mamma og pabbi fra Kroknum koma svo asamt Ingva rokkara a morgun til ad berja okkur augum :)
En svona til ad klara ferdasoguna.... Einar spiladi a Torrey Pines golfvellinum sem er i La Jolla rett hja pabba a manudagsmorguninn. Thegar eg segi morgun tha meina eg i raun nott thvi Einar og pabbi voknudu klukkan half sex og logdu i hann til ad stilla ser upp i rod fyrir rastima ;) Eg sendi moralskan studning fra vindsaenginni a golfinu hja pabba! Thad er thannig ad thetta er svo finn vollur ad thad er ekki haegt ad panta rastima ef madur er ekki medlimur. Menn verda bara ad maeta og svo er opnad fyrir skraningu vid solaruppras! Magnad alveg hreint. Their voru maettir tharna tengdafedgar upp ur sex og Einar var svo kalladur upp rett fyrir atta. Thess ma til gamans geta ad Torrey Pines er vollurinn thar sem US Open motid verdur haldid i ar og er undirbuningur fyrir motid nu thegar hafinn. Einar getur thvi horft a motid i sumar med allt odru hugarfari og borid arangur keppenda saman vid sinn. Fyrr i vetur var Buick Invitational motid haldid tharna (sem Tiger Woods er ad sjalfsogdu buinn ad vinna sidustu ar!) Pabbi og mamma fundu thennan voll thegar thau komu til La Jolla i vetur og bentu Einari a hann. Einari thotti vaegast sagt ekki leidinlegt ad spila tharna!!
Eftir godan morgunmat forum vid pabbi svo og sottum Einar og vid forum oll saman i biltur. Skelltum okkur a mynd um Grand Canyon i IMAX theatre sem var mj0g god. Eftir thad forum yfir til Coronado Island og horfdum yfir a San Diego. Vid gatum audvitad ekki bara horft a San Diego heldur forum vid lika thangad i skodunarferd, nanar tiltekid i gamla baeinn thar. Thad var mj0g skemmtilegt. Einna minnistaedast verdur tho ad teljast thegar vid vorum inni i einni budinni i gamla baenum og heyrum allt i einu einhvern kalla a Einar med frekar ameriskum hreim. Thad var tha einn af medspilurum hans fra thvi fyrr um daginn a golfvellinum. Godur svipur a Einari thegar hann heyrdi nafnid sitt kallad tharna i midri San Diego ;)
Vid bordudum svo kvoldmat a mexikonskum stad og endudum svo i afsloppun i ibudinni hans pabba.
Daginn eftir voknudum vid svo snemma og forum i ljosmyndaleidangur i La Jolla. Pabbi keyrdi med okkur upp a fjall tharna i baenum en thadan sa madur mjog vel yfir svaedid. Vid forum svo og myndudum seli i bak og fyrir.

Pabbi keyrdi okkur sidan ut a flugvoll um hadegisbilid og vid forum i loftid klukkan fimm ad stadartima i LA. Mer reiknast ad thad hafi verid fyrir um solarhring sidan. Vid erum ordin ansi threytt nuna, enda buin ad vera vakandi i um 30 klukkustundir.

Vid komum svo til London um 10 leytid um morguninn ad stadartima her og t0ldum okkur alveg nogu hress til ad skella okkur inn til London (enda um 12 klukkustundir i naesta flug) Vid komum farangrinum fyrir i geymslu, fundum okkur lest og vorum maett a Paddington station um hadegid (hittum Paddington bangsa thar ad sjalfsogdu) Eftir ad hafa fengid okkur ad borda og kaffibolla vorum vid hinsvegar alveg eins og draugar og gafumst upp a London spoki. Forum bara til baka a flugvollinn og hofum reynt ad dotta til skiptis a hinum ymsu stolategundum her a vellinum (vid misgodan arangur!)

Jaeja, nu thurfum vid bara ad skella okkur ut a hlidi. Takk fyrir ad hafa fylgst med okkur i thessu ferdalagi :) Spurning hvad vid gerum naest......

Kvedja,
Gudrun og Einar

LA og La Jolla

2008-03-23T22:49:00.001-07:00

Sæl öll,
nú erum við komin til La Jolla til pabba eftir að hafa verið í tvo daga hjá Steinari í Los Angeles. Við lentum á flugvellinum í LA um miðjan dag á föstudaginn eftir að hafa flogið í 11 klukkustundir um nóttina. Við fórum beint í skoðunarferð með Steinari og þar hófst þvílíkt matarprógramm. Við byrjuðum í Beverly Hills á ítölskum veitingastað þar sem við fengum humar ravioli og frábæran antipasti disk. Eftir að hafa troðið okkur í gegnum hóp paparazzi ljósmyndara sem höfðu frétt að við værum á svæðinu komumst við nú samt út í bíl aftur (aumingja Christina Aguilera sem var þarna á gangi með eiginmanni sínum var örugglega leið yfir því hvað ljósmyndaranir höfðu mikinn áhuga á okkur..... eða kannski ekki) Eftir þetta fórum við á frábæran sushi stað sem heitir Matsuhisa og var fyrsti staðurinn sem Nobu Matsuhisa opnaði áður en hann opnaði svo Nobu staðina sem eru heimsfrægir sushi staðir. Maturinn þar var vægast sagt ótrúlegur. Steinar pantaði fyrir okkur hina ýmsu framandi rétti allt frá nokkrum tegundum af túnfisk sashimi yfir í ígulker, skötuselslifur og japanska fjallakartöflu sem var rifin niður í froðu. Merkilegastar verða þó að teljast kæstu sojabaunirnar sem Steinar panaði en með þeim vorum við Einar úr leik í ævintýrasushibransanum, heldur frumlegt kannski ;) Við enduðum svo matarupplifunina þann daginn á frönskum veitingastað þar sem við drukkum espresso og borðuðum créme brulé og tvær tegundir af búðing. Á leiðinni heim stoppuðum við í vínbúð sem Steinar þekkir vel og eigandinn þar valdi fyrir okkur rauðvín sem við kynntum okkur fyrir svefninn.

Á laugardeginum prófuðum við fjórar tegundir af hamborgurum (deildum einum fjögur saman á hverjum stað), kynntum Einar fyrir almennilegum donuts, fengum okkur kaffi og möffin, borðuðum franskt bakkelsi (meðal annars bestu möndlu croissants sem við höfum smakkað)hvítlauks naan brauð, apríkósulamb og risarækjur í forrétt á indverskum veitingastað en aðal matur kvöldsins var svo á tælenskum stað þar sem Steinar valdi nokkra forrétti fyrir okkur til að smakka. Þetta var alveg frábært. Á milli þess sem við borðuðum frábæran mat skoðuðum við stjörnurnar á Hollywood Boulevard, skelltum höndunum í steypuförin fyrir utan Chinese Theatre, tókum myndir af Hollywood skiltinu, fórum í Apple búðina, skoðuðum (og keyptum) bækur í Barnes and Nobles og misstum vitið í Amoeba record store þar sem hægt var að kaupa alla þá diska eða plötur sem manni dettur í hug og mikið úrval er líka af notaðri vöru á góðu verði. Þetta var ótrúlegur staður! Við kynntum okkur high definition gæði í sjónvarpsbúð og Einar keypti sér tölvuleiki fyrir nýju Playstation tölvuna sem hann fékk í jólagjöf en hefur nú ekki ennþá fengið að prófa :) Steinar og Sid stóðu sig þvílíkt vel í að kynna okkur svæðið og við vorum sátt og glöð þegar við fórum að sofa í gær.

Í dag vöknuðum við og skelltum okkur í morgunmat í súkkulaðibúð þar sem við gæddum okkur á heitu súkkulaði og konfekti (alvöru morgunmatur!) Við fórum svo í Whole Foods búðina þeirra feðga sem er vægast sagt rosaleg! Þetta er ótrúlegur staður þar sem allt er til þar með talið yfir 280 tegundir af súkkulaði og yfir 200 tegundir af konfekti. Það er meira að segja hægt að kaupa súkkulaðibjór þarna. Fyrir utan úrvalið af matvöru, snyrtivöru, heilsubótarefnum og fatnaði er líka gott úrval af mat sem hægt er að borða á staðnum.
Við fórum svo í kaffi á franskan stað og gæddum okkur á croissants og pan au chocolate áður en við renndum af stað til La Jolla til að hitta pabba.

Við borðuðum svo öll saman kvöldmat hér í La Jolla á veitingastað sem heitir Crab Catcher en pabbi var búinn að panta borð með útsýni yfir ströndina og sjóinn. Við fengum ótrúlegan mat, humar, steik, krabba, rauðvín og hvítvín en allt byrjaði þetta nú með góðum kokteil :) Við löbbuðum svo og fengum okkur ís á stað þar sem maður velur sér fyrst ístegund og síðan það sem maður vill fá saman við ísinn en þetta er svo allt hnoðað saman með sleif á kaldri plötu. Rosalega gott!

Í fyrramáli ætlar Einar svo að fara og kynna sér Torrey Pines golfvöllinn hérna nálægt pabba. Steinar og Sid eru farnir heim og við sitjum hérna þrjú og slöppum af fyrir svefninn.

Við komum heim seint á miðvikudagskvöldið.

Góða nótt,
Guðrún

Komin til Auckland

2008-03-19T01:17:00.000-07:00

Ferdin til Auckland gekk vel og erum vid buin ad koma okkur fyrir a gistiheimili i midbaenum. Utsynid okkar er frabaert, beint a Skytower sem er adal merki Auckland.

Vid erum buin ad kikja a frabaert saedyrasafn, fa okkur drykk a bar sem var allur ur klaka (glosin lika!), drekka kaffi a tveimur Starbucks, borda kleinuhringi a Dunkin Donuts, borda sushi af faeribandi sem ferdadist umhverfis kokkanna, skoda utsynid ur turninum og svo framvegis. A morgun aetlum vid svo ad kikja i dyragard, fara i Auckland museum, skella okkur i ferd med turista rutu og athuga med batsferd. Talandi um Dunkin Donuts ( fyrir thau ykkar sem thekkja thann stad ekki) tha var thad einn uppahalds stadur okkar systra i Boston og forum vid oftar en einu sinni med vasapeninginn okkar thangad og keyptum okkur einn kleinuhring a mann, eg med vanillukremsfyllingu og Margret med sukkuladikremsfyllingu. Eg hoppadi haed mina i lofti thegar eg rakst a thennan stad her og nu hefur Einar formlega gengid i klubb addaenda :) Thad ma lika til gamans geta ad vid Margret forum a Dunkin Donuts i Barcelona thegar Margret var a Spani og mig minnir nu ad reglan um einn a mann hafi ekki gilt i thad skiptid!! Hahahahahhaha.

Vid leyfum ykkur ad fylgjast med afram enda litum vid thannig a ad allir seu ad springa ur spenningi ad vita hvad vid erum ad gera!!

Kvedja,

Gudrun og Einar

Ps. Vid settum inn myndir sem vid fundum a netinu af turninum eins og hann litur ut nuna ut um gluggann hja okkur (thad er ordid dimmt) og svo af borginni sjalfri. Thad er haegt ad fara efst upp i turninn og stokkva nidur tengdur i vira. Vid vorum ordin vodalega brott med ad vid gaetum thetta nu orugglega thegar vid vorum buin ad horfa nedanfra a nokkra stokkva. Thegar vid forum svo upp a utsynishaedina, sem er ekki eins hatt uppi og stokkid sjalft, skiptum vid snarlega um skodun! Vid treystum okkur varla til ad stiga ut a plexiglers glugganna i golfinu sem eru hannadir til ad madur geti horft nidur! Vid erum svo miklir toffarar!

Margret, thessi mynd er bara fyrir thig!! G.

Kveðjum Christchurch

2008-03-18T11:41:00.000-07:00

Jæja, þá er komið að því. Við erum á leiðinni út á flugvöll en þaðan munum við fljúga til Auckland sem er ofarlega á norður eyjunni. Við verðum í Auckland í einn dag og fljúgum svo til pabba, Steinars og Sid í LA. Við verðum þar fram yfir páskahelgina og leggjum svo í hann heim :)

Takk fyrir að lesa bloggið okkar og setja inn athugasemdir. Það var alltaf jafn gaman að sjá þær og gott að vita að það var verið að fylgjast með okkur :)

Bestu kveðjur,
Guðrún og Einar

Fiordland á kayak

2008-03-17T02:39:00.000-07:00

Jæja, þá er það nýjasta ferðasagan.

Við lögðum af stað héðan frá Christchurch eftir kennsluna síðasta þriðjudag en komum reyndar við í hádegismat og kvöddum Sirrý og Bjartmar sem voru að leggja af stað í ferðalag um norður eyjuna áður en þau fara heim. Við borðuðum á kaffihúsi sem heitir Picasso cafe (minnir mig) en þar voru sætin öll klósett ;)

Við brunuðum svo í suðvestur og komum til Te Anau eftir ca 9 klst keyrslu. Í Te Anau gistum við á dádýrabúi og komumst að því um nóttina að þessi dýr baula ótrúlega hátt! Við vöknuðum á miðvikudagsmorgunin rétt fyrir klukkan sex og brunuðum í vesturátt til Milford Sound. Við eyddum deginum þar á kayak í hóp með leiðsögumanni og 6 öðrum. Við fengum frábært veður og töldum okkur bara ótrúlega heppin þar sem það rignir 3 daga af 4 í Fiordland meiri hlutann af árinu!

Við gistum svo aftur á dádýrabúinu og létum gólin í dýrunum svæfa okkur.

Á fimmtudeginum vöknuðum við svo klukkan hálf sex og lögðum af stað inn í bæinn í Te Anau. Við skildum bílinn eftir á sérstöku bílastæði þar sem fylgst var með honum (fólkið sem bar ábyrgð á þessu bílastæði bjó á því og stofugluginn þeirra vísaði út á stæðið!) Við vorum síðan sótt þangað af leiðsögumanninum okkar og sóttum restina af hópnum okkar með henni. Við keyrðum svo öll saman til Manapouri þar sem við lögðum af stað í bátsferð yfir Manapouri vatnið sem var um klukkustund á lengd. Frá Manapouri vatninu liggja tvö stór rör og í gegnum þau bunar vatn þaðan yfir í Doubtful Sound fjörðinn. Með þessu vatni er búin til orka en 90% hennar er notuð til að skaffa álveri rétt hjá orku. Restin fer svo til almennings. Fyrra rörið og virkjunin voru byggð á sjöunda áratugnum og eins og gefur að skilja eru mjög skiptar skoðanir á þessu hér á landi (sérstaklega þar sem meiri hluti orkunnar fer í álverið). Seinna rörið var svo sett upp árið 2002.

Vegna þessa flæðis frá vatninu yfir í Doubtful Sound er ansi þykkt lag af fersku vatni sem liggur ofan á saltvatninu þar og gerir vatnið ískalt.

Eftir bátsferðina yfir Lake Manapouri vorum við svo flutt í lítilli rútu yfir hæðina og yfir í Doubtful Sound. Við skelltum dótinu okkar í kayakanna, skiptum yfir í blautbúninga og lögðum af stað í seinni kayakferðina okkar. Við rérum í um 5 - 6 klukkustundir fyrri daginn og gistum í tjöldum um nóttina. Sandflugurnar tóku vel á móti okkur hér eins og í Abel Tasman en við töldum okkur vera ansi vel undirbúin núna þar sem við vorum með skordýravörn með okkur. Við mökuðum henni vel á ökkla, handleggi og hálsinn og vorum frekar ánægð með okkur. Það fór nú ekki betur en svo að þegar við skiptum úr blautbúningunum yfir í venjulegu fötin um kvöldin (sem tók örfáar mínútur) réðust þær allsvakalega á okkur og náðu að þekja mann ansi vel með bitum á kroppnum og aðeins á andlitinu. Kláðastríðið byrjaði svo aftur um nóttina.

Seinni daginn rérum við áfram um Doubtful Sound og á enduðum svo aftur þar sem við byrjuðum daginn áður. Veðrið lék við okkur eins og í Milford Sound og við sáum ekki einn regndropa sem þykir stórmerkilegt. Landslagið þarna í Fiordland er hreint út sagt ótrúlegt og við setjum inn nokkrar myndir til að þið fáði einhverja hugmynd um það hversu stórfengleg fjöllin eru. Við rákumst á mörgæsir, seli, fiska sem stukku uppúr vatninu og fullt af fallegum fuglum.

Í lok seinni dagsins í Doubtful Sound fórum við svo sömu leið til baka með rútunni og bátnum og náðum í bílinn okkar í Te Anau. Þaðan brunuðum við yfir í Queenstown þar sem við gistum um nóttina.

Morguninn eftir vöknuðum við snemma og Einar dreif sig í golf á einum besta golfvellinum hér á Nýja Sjálandi. Ég tók hlutverk mitt sem golfekkja mjög alvarlega og byrjaði á því að keyra inn í bæinn og ná mér í stóran Starbucks bolla. Eftir það fór ég í þvílíka dekur fótsnyrtingu á golfvallarsnyrtistofunni og endaði á kaffihúsi vallarins með hvítvínsglas, risastóran ostabakka og Vogue og beið mannsins míns eins og hinar kerlurnar! Frekar fyndin upplifun :)

Við keyrðum svo aftur til baka til Christchurch og sofnuðum sæl og glöð á laugardagskvöldinu. Það verður að viðurkennast að við sváfum aðeins lengur en til sex á sunnudagsmorguninn eftir þetta allt saman.

Ég kláraði rannsóknarvinnuna mína á sunnudaginn og á núna bara eftir að taka niðurstöðurnar aðeins saman. Eyddi síðan deginum í dag á sjúkrabílnum. Það er svo síðasti dagurinn minn á slysadeildinni á morgun en Einar keppist við að klára helstu vellina hér á þessum síðustu dögum.

Við erum annars farin að hlakka ansi mikið til að koma heim, við lendum 26. mars í Keflavík :)

Guðrún og Einar

Komin aftur til Christchurch

2008-03-15T02:21:00.001-07:00

Við erum sem sagt komin aftur úr ferðinni okkar sem var frábær. Við vorum reyndar að enda við að snúa íbúðinni og bílnum á hvolf.... Það var þannig að passinn hans Einars fannst allt í einu ekki. Ég tók þá báða með í ferðina ásamt tryggingarupplýsingum fyrir okkur eins og alltaf þegar við erum í einhverjum svona ferðum. Ég kom þessu sérlega vel fyrir öllu saman og tók þá frá þegar við fórum í kayakferðina sjálfa. Hafði þetta nú samt þannig að hægt væri að finna pasanna í bílnum okkar ef eitthvað kæmi upp á. Þegar við vorum að ganga frá dótinu og skipta í bunka í það sem átti að fara með og það sem átti að verða eftir í bílnum hefur passinn eitthvað fært sig til. Hann lenti í "snakk og kex sem á ekki að fara með heldur verða eftir í bílnum" bunkanum og var mjög vel komið fyrir ofan í litlum pappakassa innan um litla snakkpoka og slíkt. Við tókum eftir því í morgun að passinn var ekki á sínum stað þegar við kíktum í töskuna sem varð eftir í bílnum. Kenndum því bara um að ég væri orðin rugluð og passinn væri bara í Christchurch (þegar við vorum búin að rífa allt upp úr töskunni og allt út úr skottinu á bílnum) Eftir komuna aftur hingað var heldur betur leitað í ÖLLU! Örvæntingarfull og þreytt eftir að hafa ruslað svona til hentum við okkur í sófann og gripum um höfuðið.... En þegar Einar hallaði höfðinu niður blasti við honum ansi pattaralegur lítill kassi, fullur af dóti og það eina sem hafði ekki verið rifið í frumeindir í íbúðinni.... og viti menn, þar var passi litli. Okkur líður mun betur núna en höfum enga orku í að skrifa um ferðina ;)

Hef ég nokkuð sagt ykkur frá því þegar Einar týndi veskinu sínu rétt áður en við fórum norður til að vera við ferminguna hans Ingva?? Og Ingvi fékk auka glaðning í pakkanum sínum frá okkur! Ég verð að passa mig, Einar gæti bara pakkað mér ofan í kassa.... Þið vitið hvar á að leita ef ég finnst ekki einhvern daginn :) Það er best að ég lesi þennan hluta af færslunni ekki upphátt fyrir Einar, hahahahahahaa!!

Þangað til á morgun.
Rympa á ruslahaugnum

Næsta ferð...

2008-03-10T02:16:00.000-07:00

Við erum að leggja af stað í ferðalag á morgun eftir hádegi (og eftir kennsluna á sjúkrahúsinu). Keyrum til Te Anau og gistum þar næstu nótt. Á miðvikudaginn keyrum við svo til Milford Sound þar sem við leggjum af stað í eins dags kayakferð um svæðið. Við gistum svo aftur í Te Anau. Á fimmtudagsmorguninn verðum við svo sótt klukkan 6 um morgunin og flutt til Doubtful Sound þar sem við leggjum af stað í tveggja daga kayakferð. Við keyrum svo til baka á laugardaginn. Gætum þurft að stoppa á einum golfvelli þar sem það er víst sérstaklega huggulegur völlur nálægt Queenstown ;) Sjáum til með það.

Set hérna inn hlekki á heimasíður fyrir Fiordland þjóðgarðinn þar sem Milford Sound og Doubtful Sound eru. Það er hægt að smella á nöfnin á hverjum stað til að skoða hann nánar.

Verðum í sambandi þegar við komum til baka.

http://www.fiordland.org.nz/

Golfvellirnir hans Einars :)

2008-03-07T16:39:00.001-08:00

Einar og Dave frá Skotlandi fóru saman á Russley golfvöllinn í gær og spiluðu þar í frábæru veðri.

Set hérna inn heimasíðurnar fyrir skemmtilegustu vellina hérna í kring fyrir þá sem hafa áhuga:

http://www.clearwaternz.com/
http://www.russleygolfclub.co.nz/
http://www.terracedowns.co.nz/
http://www.millbrook.co.nz/golf.php
http://www.christchurchgolf.co.nz/

Góður dagur

2008-03-07T01:28:00.000-08:00

Þetta verður að teljast sem einn af mínum uppáhalds dögum. Mætti á slysadeildina í morgun en í staðinn fyrir að vera áfram þar reddaði Hilmar því að ég fengi að fylgjast með á sjúkrabílnum í dag. Ég fór með sjúkraflutninga- mönnunum af deildinni upp úr hálf níu og snérist með þeim um bæinn til hálf sjö. Fyrsta stoppið okkar var reyndar á Starbucks þar sem mér var boðið upp á kaffi og ég sá strax að ég gæti alveg hugsað mér að eyða deginum með þessum mönnum!

Það eru engir læknar á sjúkrabílunum hér og er þjónustunni sinnt af St John samtökunum. Sjúkraflutningamennirnir eru paramedics eða advanced paramedics en starfsemin byggir einnig að stórum hluta á þjálfuðum sjálfboðaliðum sem fara í útköll með paramedic.

Það var ýmislegt áhugavert í gangi á bílnum og ansi þétt útköll. Eitt útkallið fólst í því að sækja sjúkling á þyrlustæðið rétt við sjúkrahúsið og flytja á slysadeildina en í staðinn fyrir að fara með á deildina fékk ég að fara smá rúnt í þyrlunni. Útsýnið var hreint út sagt magnað og ekki skemmdi fyrir að það var alveg heiðskýrt og sól. Ég hafði aldrei setið í þyrlu áður þannig að þetta var alveg frábært! Sendi pabba sms áður og mig grunar að hann hafi fengið aðeins í hnén við tilhugsunina um þyrluna ;)

Þegar ég kom heim af sjúkrabílnum beið mín pakki frá Margréti systur sem innihélt páskaegg og nammi! Páskaeggið var reyndar í frumeindum en það verður þá bara minni vinna við að borða það ;) Takk fyrir okkur Margrét! Einar ljómaði eins og sólin þegar við opnuðum pakkann. Litli nammigrísinn. En það var ekki bara pakki sem beið mín þegar ég kom heim heldur hafði Einar keypt handa mér risastóran rósavönd sem stóð á borðinu þegar ég opnaði hurðina. Hann er svo sætur þessi elska!

Við Einar fórum svo út að borða á sushi stað hérna í bænum og borðuðum mjög góðan mat. Einn rétturinn var krabbi í mjúkri skel sem maður beit bara í og borðaði skelina með. Magnað! Við horfðum einnig á sushi kokkinn búa til eina rúlluna okkar og það verður að viðurkennast að hann var ögn öruggari við þetta en við Margrét þegar við höfum verið að dunda okkur við sushigerð heima. Isss, við verðum orðnar svona eftir smá tíma....

Á leiðinni heim settumst við inn á Starbucks og fengum okkur espresso og rosalega franska súkkulaðiköku með rjóma (mamma, það var örugglega meiri rjómi en kaka!)

Við ætlum svo bara að slappa af, horfa á video og kannski aðeins að kynna okkur innihald páskaeggsins... má það ekki fyrst það brotnaði??

Vona að þið hafið öll átt góðan dag líka.

Kveðja,
Guðrún

Kínversk ljósahátíð

2008-03-01T03:38:00.000-08:00

Hérna koma nokkrar myndir af ljósahátíðinni í garðinum sem við fórum á í dag. Þetta var í tilefni kínverska nýársins.

Clearwater golfvöllurinn

2008-03-01T03:19:00.000-08:00

Í gær spilaði Einar golf á Clearwater golfvellinum sem er talinn vera með bestu völlunum hérna á Nýja Sjálandi. Hann hafði kynnst skota á Hagley golfvellinum sem er hér rétt hjá okkur og þeir ákveðið að fara saman og spila á Clearwater. Með í för var svo ljósmyndarinn Bjartmar :) Set inn nokkrar myndir af vellinum hér fyrir neðan. Efsta myndin hérna er af klúbbhúsinu.

Muuuuu.....

2008-03-01T02:40:00.000-08:00

Jæja, við dundum okkur við ýmislegt svona á frídögum..... Í dag buðum við Sirrý og Bjartmari í mat og ákváðum að koma þeim á óvart og klæðast "sparifötum" í tilefni dagsins ;) Þessir búningar eru tileinkaðir Þrúði og voru sérstaklega hugsaðir til að hressa hana við! Við fórum svo og skoðuðum okkur um á kínverskri ljósahátíð en það var búið að skreyta garðinn rétt hjá okkur með kínverskum ljósafígúrum og ýmislegt skemmtilegt í boði. Því miður rigndi ansi hressilega og það eyðilagði aðeins skemmtunina. Við enduðum kvöldið á því að fara á There will be blood í bíó, áhugaverð mynd þar á ferð!

Hafið það sem best :)

G + E

Halló Þrúður!

Shootover jetboat

2008-02-27T17:07:00.000-08:00

Hérna kemur myndband úr bátsferðinni sem við fórum í í Queenstown. Þetta er svo sem ekki alveg eins spennandi og river surfing en var mjög gaman samt. Bjartmar á að sjálfsögðu heiðurinn á að koma þessu á rétt form til að setja hér inn. Takk aftur Bjarti :)

Þetta tókst!

2008-02-26T03:29:00.001-08:00

Bjartmar er flinkur tölvukarl! Takk fyrir hjálpina Bjarti :)

Riversurfing myndband

2008-02-26T03:25:00.000-08:00

Bjartmar setti myndbandið upp þannig að við gætum sýnt ykkur hvað við vorum hrikalega svöl í river surfinu í Queenstown þarna um daginn :)Njótið vel!

Bil....

2008-02-25T03:10:00.001-08:00

Jamm, það voru sem sagt engin bil á milli kafla í síðustu færslu og það var alveg sama hvað ég reyndi að koma þeim fyrir, þau komu aldrei fram eftir að færslan var vistuð.

Svoleiðis er það nú bara.

G.

Ferðasagan endalausa....

2008-02-25T01:41:00.000-08:00

Jæja þá heldur ferðasagan okkar áfram!

Í leiðinni frá Christchurch til Abel Tasman komum við líka við í Picton þar sem við gistum á hosteli en ferjan sem gengur á milli eyjanna fer einmitt á milli Picton og Wellington. Við fórum nú ekkert yfir á norðureyjuna samt í þetta skiptið. Frá Picton keyrðum við svo til Nelson þar sem við kíktum aðeins í búðir, börðum raunverulega Lord of the Rings hringinn augum og röltum á ströndinni. Við borðuðum rosalega góðan mat þá um kvöldið en hann þurftum við að elda sjálf á heitum steini sem var settur á borðið fyrir framan okkur. Við fengum okkur nautasteik, risarækjur og hörpudisk (misjafnt hlutfall á fiski og kjöti á milli manna, sumir fengu sér bara stærri steik og slepptu fiskinum....) Við vorum svo sótt til Nelson af kayakfyrirtækinu rétt fyrir sjö morguninn eftir.

Eftir kayakferðina keyrðum við svo niður vesturströndina. Við byrjuðum á því að skoða mjög flottan gamlan helli sem innihélt bein Moa fugls sem voru ansi áhugaverð (stór fugl þar á ferð!) Við gistum svo á mjög áhugaverðu hosteli um nóttina rétt við Westport sem notaði eingöngu sólarorku til að fá rafmagn. Daginn eftir fórum við í aðra hellaferð. Í þessari ferð gengum við fyrst í um tvo tíma um hellakerfið og skoðuðum okkur um. Í síðasta hluta hellisins voru ljósin slökkt og við tóku litlir ormar sem glóa með bláu ljósi og lýstu upp þak hellisins eins og stjörnur á himni. Ótrúleg sýn. Til að koma okkur út úr hellinum skelltum við okkur á stórar slöngur og létum ánna bera okkur áfram, niður léttar flúðir meðal annars. Frábær skemmtun.

Seinna um daginn kíktum við á Pancake Rocks og gistum svo á leiðinni í mjög huggulegum litlum sumarbústað sem við fengum á síðustu stundu (Íslendingarnir alltaf snemma í að panta sér gisting!)

Við enduðum ferðina svo á því að keyra í gegnum Arthurs Pass sem er einnig þjóðgarður. Í Arthurs Pass fórum við í göngu upp að Devil´s Punchbowl sem er mjög fallegur foss. Þar sem við vorum svo sérstaklega hress eftir þá göngu ákváðum við að smella okkur bara í aðra fossagöngu en fundum reyndar aldrei neinn almennilegan foss þar (kannski maður hafi aðra hugmynd um fossa en fólk hér....) Á þeirri leið hittum við samt lítinn skemmtilegan fugl sem hafði ótrúlegan áhuga á okkur og ákvað að smakka aðeins á fingrinum á Einari þegar honum bauðst tækifæri.

Frá Arthurs Pass keyrðum við svo aftur til Christchurch.

Hér á eftir eru nokkrar myndir úr ferðinni, takið eftir hressa liðinu sem ferðaðist með okkur! Vúhú, partí bíll! Annars er kennsla í fyrramáli, klukkan hálf átta. Best að drífa sig í háttinn.

Guðrún og Einar

Póstnúmerið okkar ofl.

2008-02-25T01:32:00.000-08:00

Það hafa verið spurningar um póstnúmerið hérna hjá okkur þar sem við skrifuðum það ekki hérna til hliðar. Málið er að það þarf ekki að skrifa póstnúmer þegar það er verið að senda póst hingað en það er víst verið að koma því í reglugerð fljótlega. Póstnúmerið okkar er 8013 en það voru ekki einu sinni allir starfsmenn pósthússins með það á hreinu ;)

Annars fer nú að verða seint að senda okkur póst þar sem það styttist í heimför :)

Fengum annað póstkort frá Erlu í dag, vúhú!! Þetta póstkort var sérstaklega flott með mynd af sviðakjamma. Vissuð þið að kanínueistu eru víst snædd hér..... en maður spyr sig, tekur það því??

Kaikoura

2008-02-22T02:57:00.001-08:00

Jæja, þá heldur ferðasagan áfram.

Eftir um það bil tveggja klukkustunda keyrslu í norður komum við í lítinn bæ við sjóinn sem heitir Kaikoura. Það er tvennt sem er mikilvægt að gera í Kaikoura. Annars vegar eru selir ansi algeng sjón á nokkrum stöðum umhverfis bæinn og á þessum tíma eru þeir með litla kópa. Það er mælt með því að ferðamenn berji þá augum. Kóparnir eru ekki syndir og það er því auðvelt að sjá þá á steinunum við ströndina. Hins vegar er bærinn frægur fyrir góðan humar, sem kallast crayfish hér og fæst hann á flestum stöðum í bænum. Ég heimtaði að sjálfsögðu að fá að smakka þennan crayfish en vissi þá reyndar ekki að þetta væri humar. Verð samt að viðurkenna að sá grunur læddist að mér þegar ég smakkaði matinn þar sem hann líktist Maine humri ótrúlega mikið, bæði í útliti og bragði. Ég komst svo að því nokkrum dögum seinna að crayfish og humar er það sama. Mjög góður matur :)

Það var frábært að fylgjast með kópunum og við misstum aðeins stjórn á okkur í að mynda þá. Reyni samt að halda aftur af mér í að setja inn myndir hér!

Var annars að koma af kvöldvakt og er að hugsa um að fara að sofa.

Góða nótt,

Guðrún

Sushi

2008-02-21T03:23:00.000-08:00

Jæja, þetta þarfnast alveg sér færslu..... Í gærkvöldi spurði ég Einar hvað honum fyndist að við ættum að borða í kvöldmat eins og ég geri nú svo sem af og til. Það sem gerði þetta að merkilegri stund var að Einar stakk upp á því að við færum á sushi veitingastað! Ég hélt ég liði útaf. Ég hef nú ekki verið þekkt fyrir að neita sushi bita en hingað til hefur Einar snúið baki við þessum mat. Ég lét nú ekki segja mér þetta tvisvar, skellti á mig rauðum varalit og dró Einar út á hlaupum. Við fórum á lítinn japanskan veitingastað sem heitir Ichiban og maturinn var frábær. Við fengum okkur Tempura rækjur, Dynamite rúllu og Spider rúllu sem var tileinkuð Gunna sem kynnti þessa rúllu til leiks á sínum tíma (við skáluðum í sake fyrir þér Gunni!) Einar varð nú bara að samþykkja að maturinn var mjög góður og var hinn sáttasti með kvöldið. Þið hefðuð átt að sjá hvað ég var glöð!!

Ég tók auðvitað myndir af Einari á staðnum, ein er af honum með forréttinn, önnur að drekka sake, þriðja með skál af miso súpu og síðasta af sushi diskunum.

Frábært kvöld!

Kaykferð

2008-02-20T01:13:00.000-08:00

Í þetta skiptið var ferðinni heitið í Abel Tasman, minnsta þjóðgarð Nýja Sjálands sem er staðsettur á norðvestur horni suður eyjunnar. Við höfðum ákveðið að besta leiðin til að skoða garðinn væri að sigla um hann á kayak og skráðum okkur þess vegna í þriggja daga kayak ferð um garðinn. Sirrý og Bjartmar voru með í för en þau skráðu sig í eins dags ferð um garðinn og notuðu hina daganna til að skoða Golden Bay og fleira.

Við teljum að okkur beri skylda til að fræða ykkur aðeins um garðinn. Þetta svæði var gert að þjóðgarði árið 1942 þegar einn af íbúunum þar gerði það að sínu sérverkefni að vernda svæðið. Það höfðu nefnilega vaknað hugmyndir um að leggja hraðbraut meðfram ströndinni en íbúum þarna líkaði þetta einstaklega illa. Þessi kona fékk drottninguna í lið með sér og á endanum var svæðið friðað. Enn í dag er ekki hægt að komast að garðinum á bíl, eingöngu gangandi eða með bát/kayak. Garðurinn er skírður eftir Abel Janszoon Tasman, hollenskum kaupmanni og landkönnuði sem er talinn hafa fundið Nýja Sjáland, fyrstur evrópubúa. Þegar Tasman og hans menn komu í land sáu Márarnir sem voru nú þegar á landinu þá og vissu ekki alveg hvernig þeir áttu að taka þeim. Sagan segir að Márarnir hafi komið til evrópubúanna og dansað Haka dansinn (bardagadansinn sem við höfum áður nefnt) til að athuga hvort áhugi væri á bardaga. Þar sem Tasman og félagar vissu ekki hvað þessi dans þýddi sungu þeir bara á móti í staðinn fyrir að svara með því að taka upp sand og leggja á jörðina, sem hefði þýtt að þeir vildu frið. Márarnir tóku þessu sem ósk um bardaga og komu aftur um nóttina á bátum og drápu nokkra af evrópubúunum en restin flúði. Abel Tasman og hans menn voru þannig mjög stutt á Nýja Sjálandi en samt er ansi margt á landinu skírt í höfuðið á honum (auk þjóðgarðarins Tasman jökullinn, Tasman vatn, Tasman áin, Tasman fjallið, Tasman fjörður, Tasman fylkið og svo sjórinn umhverfis landið).

Garðurinn er mjög fallegur, prýddur ótrúlegu magni af gróðri og trjám, hvítum ströndum, grænbláu vatni, selum, allskonar fuglum, mörgæsum og einstaka höfrungi. Það má til gamans nefna að ein af ströndunum þarna, Te Pukatea ströndin, er talin vera sjöunda fallegasta strönd í heimi. Við getum svo sem alveg samþykkt það!

Við fórum frá Marahau þar sem við hittum leiðsögumanninn okkar, Stu frá Írlandi. Með okkur í hóp voru svo James frá Bretlandi, Debra frá Suður Afríku (alin upp á Bretlandi) og Suzannah frá Þýskalandi. Það var þannig hress og kátur hópur evrópubúa sem hóf förina um þjóðgarðinn, tilbúin að rífa upp sand og skella í jörðina ef Márarnir yrðu á vegi okkar! Við rérum u.þ.b. 3 klst á dag, fórum í góðar göngur, fræddumst um svæðið með aðstoð Stu og skoðuðum seli og fugla. Við gistum tvær nætur í tjaldi og vorum eina fólkið í garðinum sem hafði ekki vit á því að vera með vasaljós með sér. Það var því ansi snúið að komast um þegar dimma fór, svo ekki sé talað um að komast á klósettið á nóttunni þar sem tré og steinar þvældust ansi mikið fyrir. Við gerðum okkur nú ekki alveg grein fyrir því strax afhverju við hefðum ekki lent í svona brasi áður í útilegu en það rifjaðist fljótt upp fyrir okkur að í þau skipti sem við hefðum sofið í tjaldi hefði nú líklegast verið mun bjartara úti enda að sumri til á Íslandi J Við fengum því lánað vasaljós seinni nóttina. Við fengum frábæran mat alla ferðina, til dæmis camenbert, ólívur, grillaða banana, pönnukökur, kjúklingabringur, fullt af fersku grænmeti, fínustu spægipylsu, pitur, hrærð egg, möffins, pressukaffi, bjór og fleira og fleira. Við fengum líka allan búnað fyrir kayakanna auk svefnpoka og tjalds. Það fór sko ekki illa um okkur.

Við setjum hér inn kort með mynd af svæðinu. Við rérum fyrsta daginn frá Marahau til Anchorage og gistum þar fyrstu nóttina. Það var ansi þungur róður á kafla sem heitir Mad Mile (brjálaða mílan!) og þar blés vindurinn og skvetti sjónum hressilega yfir okkur. Við vorum hæstánægð með þetta og litum bara á þetta sem æfingu fyrir róður í kringum Ísland! Við skoðuðum einnig selaeyju á leiðinni. Við gengum svo frá Anchorage yfir á Te Pukatea ströndina og fórum í góða göngu um svæðið. Næsta dag var róið yfir í Bark Bay, maturinn og tjöldin sett í land og borðaður hádegismatur. Eftir það rérum við meðfram ströndinni og út í Tonga eyjuna og skoðuðum selina þar en þeir skelltu sér sumir til sunds og skoðuðu okkur líka. Við gistum svo í Bark Bay seinni nóttina.

Á þriðja deginum rérum við aftur til Anchorage, aðeins lengri leið en áður. Við urðum eftir þar en leiðsögumaðurinn fór áfram með restina af hópnum til Marahau. Í Anchorage fórum við í göngu upp að ferskvatnslaug og böðuðum okkur aðeins þar. Við hittum Sirry og Bjartmar svo á ströndinni seinnipartinn og gistum á bát, eins og áður sagði. Þar var boðið upp á grill, sólbað, sund í sjónum og fínustu slökun. Við syntum fjögur í land, gengum yfir á Te Pukatea aftur (urðum auðvitað að sýna Sirrý og Bjartmari ströndina) og syntum svo aftur út í bátinn. Frábært að ganga bara berfættur í skóginum, á sundfötunum.

Síðasta daginn í Abel Tasman fórum við síðan hlaupandi frá Anchorage til Marahau en þetta er um 4 klst ganga. Sirry og Bjartmar tóku dótið okkar með sér á bát til baka. Við hlupum þetta á 1 klst og 40 mín með tilheyrandi tognunum og þess háttar.

Það eina sem má í raun setja út á ferðina voru kynni okkar af flugum sem heita sandflugur. Þetta eru litlar svartar flugur, aðeins stærri en mýflugur, sem hafa unun af því að stinga mann. Við komum ansi illa bitinn til baka úr ferðinnni, hvort með yfir 30 bit á hvorum fótlegg, auk annarra bita á handleggjum og dreift um skrokkinn. Kláðinn er ólýsanlegur!

Þar sem þetta er orðin heljarinnar ritgerð hugsa ég að ég setji inn lýsingar á restinni af ferðinni næst :) Ég vil nú ekki að fólk gefist upp á að lesa það sem ég skrifa..... kannski eru allir hættir fyrir löngu!

Kveðja,
Guðrún

Eitt í viðbót....

2008-02-19T00:22:00.000-08:00

þegar við komum heim áðan beið okkar póstkort frá henni Erlu en þetta er fyrsti pósturinn sem við fáum og við erum heldur betur ánægð með þetta :)

Takk fyrir Erla!

G.

Komin aftur til Christchurch

2008-02-19T00:16:00.000-08:00

Halló,

við erum komin aftur til Christchurch úr ferðalaginu. Vorum einum degi lengur en við ætluðum. Kayakferðin heppnaðist rosalega vel og við erum alsæl með þetta allt saman.

Erum heldur þreytt til að skrifa mikið núna, setjum inn góða færslu á morgun en látum fylgja með eina mynd til að búa ykkur undir lýsingar úr ferðinni....

Kveðja,

Guðrún og Einar

Lítið að frétta

2008-02-10T15:40:00.001-08:00

Góðan daginn,

það hefur verið lítið að frétta síðustu daga. Ég var á vöktum alla helgina og Einar æfði sig. Ég er að safna fyrir fríi sem byrjar á morgun, þriðjudag. Þá ætlum við að fara norður og byrja í bæ sem heitir Nelson og fara svo vestur til Abel Tasman sem er þjóðgarður. Á fimmtudagsmorgun byrjum við svo í þriggja daga kayak ferð um Abel Tasman. Ég hugsa að við komum svo til baka á mánudaginn.

Við fórum síðasta laugardag og horfðum á endann á Coast to Coast keppninni eins og ég nefndi um daginn. Við fórum eftir vakt hjá mér og keyrðum að brú þar sem maður gat staðið og horft á keppendur koma í land eftir tæplega 70 km kayakferð og hoppa á hjólin sín. Það var magnað að sjá fólkið koma í land, sjá þau hoppa upp úr bátunum, skokka hálf útskeif af stað, rífa sig úr jökkum, björgunarvestum ofl á hlaupum og aðstoðarmenn hlaupandi í kring að rétta þeim og taka við dóti frá þeim. Við vorum þarna á brúnni í u.þ.b. hálftíma og náðum þá akkurat að sjá Hilmar og Svövu koma í land. Við keyrðum svo til Sumner og vorum þar í smá stund og sáum þau líka koma í mark þar! Það var mjög gaman. Í Sumner stökk fólk af hjólunum og þurfti svo að skokka síðustu metranna á ströndinni í markið og það var ansi áhugaverður hlaupastíll sem tók við í sandinum þegar fólk lauk 70 km hjólaferð! Ég set inn mynd af leiðinni sem keppendur fara og hvernig hún skiptist upp. Menn fara þetta annaðhvort á einum eða tveimur dögum.

Bestu kveðjur þar til næst

Guðrún

Waitangi day, laugar, golf og tequila

2008-02-07T02:44:00.000-08:00

Jæja góða kvöldið

Við Sirrý mættum brattar snemma í gærmorgun til að hefja vinnu við rannsókn sem við ætlum að hjálpa til við hérna úti. Það verður að viðurkennast að maður var heldur ánægður með sig í morgunsárið að rölta á spítalann til að vinna (án þess að hafa fengið leiðbeiningar um það hvenær við ættum að mæta). Þegar við komum á staðinn var heldur rólegt yfir sjúkrahúsinu en við kipptum okkur svo sem ekkert upp við það. Við vorum auðvitað mættar svo snemma að það var svo sem ekki skrítið að það væri ekki búið að opna bókabúðina og svona.... En við drifum okkur inn í lyftuna til að komast upp á bókasafn en eitthvað gekk nú brösulega að fá hana til að fara af stað blessaða. Við veifuðum og veifuðum pössunum okkar sem eiga að gefa okkur aðgang en ekkert gerðist nema bara að lyftan lokaðist og við stóðum inni í henni, án þess að hún færi nokkuð. Við komumst að lokum út úr lyftunni og ákváðum að "skokka" bara upp á 6. hæð. Þegar við komumst loksins þangað, án þess að blása úr nös, var allt harðlæst. Það var ekki fyrr en þá að við áttuðum okkur á því að það var Waitangi Day, sem er víst svona 17. júní hér og þá er allt lokað. Við máttum því arka heim á leið aftur, frekar sárar með árangurinn. Við byrjuð þá bara á þessu seinna.

Í gær fórum við Einar og Bjartmar á æfingasvæðið og slógum fötu af boltum hvert (það eru 55 golfkúlur í hverri fötu). Það gekk bara ágætlega og Einar var þolinmóður eins og alltaf við að leiðbeina okkur hinum. Það sem var nú ekki leiðinlegt við þessa ferð var að ég eignaðist fyrsta parið mitt af golfskóm. Ég hef ekki verið þekkt fyrir að vera leið yfir því að eignast nýja skó en þetta var sérstaklega skemmtilegt. Það hefur ekki þótt ástæða til að kaupa golfskó handa mér hingað til (skv. sumum sem vita meira um golf en ég) en nú er tíminn kominn! Eftir þetta fórum við svo í mini-golf þar sem munur á leikmönnum var aðeins minni :)

Í gærkvöldi fórum við út að borða á frábærum mexikönskum veitingastað sem heitir Mexican Cafe. Þar var, án efa, stærsta tequila úrval sem við höfum séð og settum við inn mynd af barnum og svo tequila úrvalinu. Við gerðumst nú ekki svo fræg að bragða neitt af þessu almennilega en fengum okkur saman margaritu til að smakka smá.

Í dag fórum við í bíltúr í Hanmer Spring sem er ansi huggulegur staður norð-vestan við Christchurch. Þarna eru svona náttúrulega hitaðar laugar og spa meðal annars og svo hinn fínasti golf völlur. Það var nú heimilislegt að finna hveralyktina úr laugunum þarna ;) Einar fór og spilaði 18 holur á golfvellinum og ég labbaði með í sólinni og hitanum (og prófaði mig áfram með göngulag í nýju skónum!) Við fórum svo og hittum Sirrý og Bjartmar í spa-inu, lögðumst í pottanna og sleiktum sólina í smá stund. Við vorum nú ekki lengi þarna sem þau voru nú orðin hálf rúsínuleg af því að liggja í baði á meðan við vorum í golfinu :)

Um helgina eru svo vaktir, lestur og golf æfingar. Það getur verið að við förum og horfum á endann á Coast-to-coast keppninni en þetta er heljarinnar keppni sem byrjar á vesturhluta suður eyjunnar og endar hérna á austur ströndinni. Keppnin byggist upp af 140 km á hjóli (á mismunandi stöðum í keppninni, skiptist upp í 55 km, 15 km og 70 km), 36 km hlaupi (þar með talið 33 km fjallahlaupi sem er ansi þungt) og svo 67 km á kayak í gegnum annars stigs flúðir og gljúfur. Keppendur geta valið um að gera þetta á einum degi eða tveimur. Þetta er mjög vinsæl keppni og fólk þyrpist hingað frá hinum ýmsu löndum til að vera með. Íslenski læknirinn sem hjálpaði okkur að komast hérna út og konan hans taka til dæmis þátt í ár.

Þar til næst :)

Guðrún og Einar

Baráttukveðjur...

2008-02-05T23:13:00.000-08:00

...til mömmu á Króknum eftir aðgerðina. Vertu nú stillt og láttu stjana við þig aðeins lengur!

Við hugsum til þín :)

G + E

Funk og fjallganga

2008-02-02T21:22:00.001-08:00

Góðan dag

Við byrjuðum þennan fallega sunnudag á því að hitta Sirrý og Bjartmar í hádegismat á djass klúbbi hérna rétt hjá okkur en þar er spilað live funk á sunnudögum. Ég fílaði mig vel þar, þau hin sem sátu með mér við borðið tjáðu sig svo sem lítið um tónlistina. Einar spurði reyndar einu sinni hvort þeir væru búnir að vera að spila sama lagið í klukkutíma.... ;) Spurning hvort þau verði tilbúin að mæta aftur í næstu viku.

Eftir hádegismatinn fórum við Einar svo í smá fjallgöngu til að vígja nýju gönguskónna. Við gengum upp fjallið þar sem við fórum upp með kláfnum um daginn og var þetta hin besta ganga. Það tók reyndar aðeins á þar sem það var 25 stiga hiti, heiðskýrt og þessi líka fína sól til að ylja okkur. Þetta var ansi brött ganga en við vorum svona 35 mín að ganga upp. Þessi leið liggur á milli Christchurch og Lyttleton en áður en lagður var vegur yfir til Lyttleton var þetta eina leiðin á milli og gengu þeir sem námu land hér í Christchurch yfir þessa hæð frá höfninni í Lyttleton með allan farangurinn sinn. Við neitum þess vegna að viðurkenna að þetta hafi tekið nokkuð á ;) Þetta er annars ca 310 m upp á við. Skórnir voru léttir og góðir og eyrað var til friðs :)

Á föstudagskvöldið fórum við út að borða með Sirrý og Bjartmari og fengum okkur steik að borða. Við urðum fyrir talsverðum vonbrigðum þar sem steikurnar voru allar ansi hressilega steiktar og samandregnar þegar við fengum þær. Svipurinn á honum Einari mínum var óborganlegur þegar þjónninn skellti á borðið fyrir framan hann pínulitlum, samandregnum skósóla. Honum þykir ekkert leiðinlegt að borða góða steik! Við reyndum að skila þessu þar sem við höfðum öll pantað steikur á bilinu medium rare til medium. Okkur var þá tilkynnt að ef við vildum endilega fá nýjar steikur þá tæki það 45 mín og að veitingastaðurinn væri eiginlega að fara að loka. Þannig að við máttum fá frían desert eða drykk en í raun ekki nýja steik. Hann Danni hefði nú reddað nýrri steik á örfáum mínútum, hvað sem klukkan væri orðin...... Ekki meira um það.

Við Sirrý vorum svo á vakt í gær sem var mjög fínt. Ég eyddi stórum hluta af vaktinni að sauma sár í hársverði, tæplega 30 spor en það sem gerði þetta nú skemmtilegt var allt síða, dökka, krullaða hárið sem flæktist fyrir mér. Þegar ég var svo búin var mér bent á að yfirleitt væri svona bara heftað hér.... Hvaða hvaða... Eftir vaktina hittum við Einar og Bjartmar í drykk og við Sirrý fengum okkur vatnsmelónu og chilli martini sem var mjög góður.

Það verður svo líka að nefna það að við Einar fórum í minigolf í gær.... og Einar fór tvisvar sinnum holu í höggi!!! Það kom loksins að því :) Ég var ekki langt á eftir honum, í þetta skiptið munaði fjórum höggum!! Spurning hvort við séum eitthvað að skipta um hlutverk.... Ég vinn næst!! Ég óska Einari samt formlega til hamingju með þetta afrek, sérstaklega þar sem hann skuldar mér tvo bjóra!! Þú þarft að borga þeim sem spila með þér þegar þú ferð holu í höggi bjór.... Það er líklegast þess vegna sem Einar fer bara holu í höggi þegar við erum bara tvö!

Okkur er svo boðið í mat í kvöld hjá........ já, Sirrý og Bjartmari!!

Vonum að þið hafið það sem best.

Guðrún og Einar

Surfmyndir

2008-01-30T21:40:00.000-08:00

Lalalalalalalala.......

Einar, Sirrý og Bjartmar eru í tennis en eyrnabarnið gat ekki farið með. Þannig að ég er heima að ræna myndum af bjartmarogsirry.com, muhahahahahahah!

Áttum alltaf eftir setja inn surfmyndir. Þær koma hér..... Það eru því miður ekki til neinar myndir af okkur (á hausnum) í vatninu (því miður????) ;)

Eyrnaverkur, körfubolti og klipping

2008-01-30T20:12:00.000-08:00

Jæja, það hefur lítið verið gert síðustu daga sökum lélegrar heilsu undirritaðrar. Ég náði mér í einhverja sýkingu í ytri hluta vinstra eyrans og hef verið álíka aum og ungabarn með miðeyrnabólgu. Þetta byrjaði fyrir þremur dögum og hefur farið versnandi síðan. Þegar ég átti í erfiðleikum með að koma hlustunarpípunni í eyrað til að byrja með og svo erfitt með að heyra nokkuð með henni þá ákvað ég að biðja um hjálp. Einn af íslensku læknunum skrifaði þá upp á sýklalyfja og steradropa sem ég (eða Einar) hef sett í eyrað síðasta rúma sólarhringinn. Ég sleppti vakt síðustu nótt og við Einar lágum heima í flatsæng fyrir framan sjónvarpið, ég rugluð af verkjalyfjum og hann með samúðarverki. Þetta var ágætist kvöld samt og við náðum að innbyrða aðeins af ís og nammi (og sérbakað vínarbrauð frá Copenhagen bakery hérna neðar í götunni!)

Einar og Bjartmar fóru og fundu sér körfuboltavöll í gær og keyptu að sjálfsögðu Boston Celtics körfubolta til að spóka sig með þar. Einar getur þá líka smellt sér í Garnett treyjuna sem mamma keypti handa honum í Boston.Þeir fóru svo ásamt Sirrý og keyptu tennis spaða og spiluðu þau þrjú tennis í gær (ég lá heima umvafin parkódín forte blíðu á meðan)

Í dag fór ég svo loksins aðeins út og við keyptum áttavita og fjallgöngupoka handa Sid og ætlum að senda honum þetta ásamt All Blacks rugby treyju. Hann verður þá fullbúinn fyrir Esjugöngu í sumar og getur kannski æft sig í hlíðunum þarna í kringum húsið þeirra í LA. Mér skildist á mömmu og pabba að hann ætlaði að eyða helginni með þeim og ef ég þekki þau rétt þá verður örugglega stuð fyrir hann.

Við Einar keyptum okkur létta gönguskó í dag afþví að við höfum áhuga á að ganga á meðan við erum hérna. Ég hef lengi haft áhuga á því og varð himinlifandi þegar Einar nefndi það að hann hefði kannski bara áhuga á því líka! Það var nú ekki verra að kaupa þetta hér, talsvert ódýrara en heima.

Síðustu daga hefur hárið á Einari fengið sjálfstæðan vilja en hann hefur nú oft orðið hárprúður mjög þegar líður að klippingu. Þar sem við höfum endurtekið rekist á unga menn hér með sítt að aftan og krullað skott jafnvel aftan á hnakkanum var Einar orðinn hálfsmeykur við að fara í klippingu. Við ákváðum því þegar við komum heim áðan að taka fram skeggklippurnar og...... jamm þið giskuðuð rétt, við rökuðum á honum höfuðið! Við settum klippurnar nú bara í 1,8 cm og hann er svona líka myndarlegur eftir þessa snyrtingu (eins og alltaf svo sem!)

Setjum inn nokkrar myndir (sem virðast vera að mestu af óhollum mat....)Ein af kvöldmáltíð sem Einar eldaði um daginn, ein sérstaklega tileinkuð Margréti systur minni, ein af vínarbrauðinu, ein handa mömmu og pabba af Einari á leiðinni í körfubolta og svo auðvitað ein af nýju klippingunni....

Kv. Guðrún og Einar

All Blacks, Maori Haka

2008-01-28T21:46:00.000-08:00

Eins og við sögðum frá um daginn þá fórum við á Maori sýningu en þar var sýndur bardagadans þeirra sem var ansi magnaður. Okkur langaði til að sýna ykkur að All Blacks rugby liðið hér dansar svona stríðsdans fyrir alla leiki hjá sér. Það er ansi magnað að sjá þetta og við setjum hér inn tengil á myndband með þeim fyrir leik.

http://youtube.com/watch?v=uHW1K2LeQXE&feature=related

Njótið vel :)

Guðrún og Einar

Zzzzzz...

2008-01-28T19:48:00.000-08:00

Jæja, þá höfum við Sirrý prófað að sofa í röntgenfundi á Nýja Sjálandi! Vorum á næturvakt frá 23 í gærkvöldi og vorum svo brattar í morgun að við ákváðum að mæta í kennslu og röntgenyfirferð til 9. Þegar ljósin slokknuðu og röntgenmyndirnar birtust færðist yfir okkur þessi gamla tilfinning og við skiptumst á að sofna, sem betur fer aftast í stofunni og í myrkri ;) Það svo voru tveir þreyttir læknanemar sem örkuðu heim í morgunsárið. Góð vakt samt.
Einar fór í kennslu hjá golf þjálfara í dag og var bara ánægður með það. Hann er búinn að panta hjá honum aftur.

Næturvakt aftur í nótt, þar til næst....

G.

Ferðalag

2008-01-27T00:51:00.000-08:00

Jæja, þá erum við komin aftur til Christchurch. Það virðast vera vangaveltur um það hvort við Sirrý séum aldrei á spítalanum.... jú við förum nú alveg þangað ;) Ég hef bara lítið tjáð mig um það. Reglurnar þar eru þannig að maður má vinna nokkrar vaktir í röð og fá nokkra daga í frí. Núna tökum við til dæmis nokkrar vaktir í röð til að "safna" fyrir næsta fríi :)

En nóg um það.....

Við fórum sem sagt í ferðalag eftir ströndinni suður frá Chrischurch. Set hérna inn kort sem Einar er búinn að merkja leiðina inn á.

Fyrsta daginn keyrðum við niður til Timaru, Oamaru og Dunedin. Í Timaru borðuðum við picnic og höfðum það notalegt í sólinni. Í Oamaru eyddum við heilmiklum tíma í að bíða eftir guleygðum mörgæsum sem koma upp á ströndina við bæinn rétt áður en það dimmir. Það var mjög gaman að fylgjast með þeim koma í land en selirnir á ströndinni héldu uppi fjörinu á meðan við biðum. Við stoppuðum á leiðinni á milli Oamaru og Dunedin og skoðuðum Moeraki steinanna sem eru í fjörunni rétt fyrir neðan veginn. Þetta eru ótrúlegir steinar og í raun ekkert hægt að lýsa þeim, vísa bara í myndirnar hér fyrir neðan. Í Dunedin fórum við og skoðuðum Royal Albatross fuglana en þetta eru mjög fallegir og sjaldgæfir fuglar sem búa á örfáum stöðum í heiminum. Það má til gamans geta að vænghaf þeirra er um 3 metrar og líkamsþyngdin um 6 - 7 kg. Það var ansi leiðinlegt veður þennan dag, hvasst og rigning en það var víst gott mál þar sem þessir fuglar láta helst sjá sig í þannig veðri :) Í Dunedin er einnig brattasta gata í heimi og við fórum að sjálfsögðu og gengum upp hana og skokkuðum svo niður ;)Við gistum í litlum bæ rétt fyrir utan Dunedin fyrstu nóttina, á hosteli á bóndabæ. Það var mjög notalegt og bóndinn hinn hjálplegasti með að skipuleggja næstu daga ferðarinnar. Frá Dunedin keyrðum við svo til Queenstown sem er einskonar adrenalín höfuðborg Nýja Sjálands. Við gistum á leiðinni þangað í litlum bæ sem heitir Roxburgh og fengum þar ágætist steik á eina veitingastað bæjarins en þar vorum við einu gestirnir.

Það er heilmikið úrval af allskonar stökkvum, í línu eða fallhlíf, ferðum niður jökulsár á stórum bátum, röftum eða bara litlum brettum og margt margt fleira í Queenstown. Við fórum fyrst í svokallaðan jet boat sem er 3.5 tonna bátur sem þarf ekki nema 10 cm djúpt vatn til að komast áfram. Hann þeytir því einhvernveginn út að aftan og kemst áfram með allt að 80 km hraða. Við fórum með þessum bát niður jökulsá á 75 - 80 km hraða, í gegnum gil og tókum öðru hvoru 360° sveiflur í ánni. Mjög gaman það!! Eftir þetta fórum við upp fjallshlíðina við bæinn með kláf og horfðum þar uppi á Maori sýningu en Maori fólkið settist fyrst að hér á Nýja Sjálandi. Þetta var mjög flott sýning og gaf góða innsýn inn í þeirra menningu. Við Sirrý vorum drifnar upp á svið og látnar taka þátt í dansi og gekk það misvel þar sem í þessum dansi fólst meðal annars að stíga skref og grípa lítinn bolta í bandi í takt en þetta tvennt verður seint talið til minna styrkleika! Við gistum svo í bæ rétt fyrir utan Queenstown sem heitir Arrowtown en þar settust kínverjar að á sínum tíma til að leita að gulli.

Daginn eftir tók svo við það sem okkur fannst held ég öllum skemmtilegast í ferðinni, river surfing. Í þessu fórum við líka niður jökulsá en í þetta skiptið lágum við á maganum á litlum brettum. Þetta var ægilegt fjör! Ég lenti í eitt skiptið til hliðar í einhverju iðustreymi og skall með lærið utan í stein og hlaut þennan líka myndarlega marblett í kaupbæti! Ungu mennirnir sem fóru með okkur niður ánna eiga hrós skilið fyrir að passa upp á okkur og kippa manni áfram um leið og maður dróst eitthvað aftur úr eða fór út af leið. Svo var einn þeirra sem tók þetta allt saman upp á myndband og við vonumst til að geta sýnt ykkur það hérna á síðunni :) Eftir þetta áttum við notalegan dag í Queenstown og keyrðum svo yfir til Wanaka rétt fyrir norðan og gistum þar.

Í Wanaka skoðuðum við mjög skemmtilegt safn, Puzzle World sem inniheldur allskonar þrautir fyrir augað og ekki var allt sem sýndist þar inni! Fyrir utan safnið var svo völundarhús sem við þvældumst um heillengi. Við fórum einnig í dóta og vélasafn sem innihélt ótrúlegustu hluti en var því miður illa sett upp þannig að munirnir nutu sín illa. Eftir að hafa skoðað þessa bíla fórum við svo og kynntum okkur öllu stærri bíla, Monster Trucks og fengum að keyra einn slíkan í smá torfærum.

Frá Wanaka héldum við síðan til Lake Tekapo þar sem við gistum á litlu gistiheimili við vatnið.Þetta var án alls efa besta gistingin með ótrúlegu útsýni og við fengum í raun litla íbúð fyrir okkur fjögur. Við áttum frábært kvöld þarna í The Chalet. Frá Lake Tekapo keyrðum við svo yfir til Mt Cook sem er hæsta fjallið hér í þessari heimsálfu og hluti af Suður Ölpunum. Svæðið þarna í kring er vægast sagt ótrúlegt og fegurðin gríðarleg. Á þessu svæði er safn sem er tileinkað Sir Edmund Hillary en hann fór ásamt Tensing Norgay fyrstur á toppinn á Everest, eins og margir vita eflaust. Hann var héðan frá Nýja Sjálandi en lést stuttu eftir að við komum hingað. Það var mjög gaman að skoða þetta safn og horfa á myndir um hann og ferðina á Everest. Það má til gamans geta að Mt Cook var æfingarvöllur Hillary fyrir Everest og við safnið er stytta af honum þar sem hann horfir á toppinn á Mt Cook. Á þessu svæði er líka jökull, Tasman jökullinn, og fyrir framan hann er jökulsárgljúfrið hér. Það getur hver og einn metið hvort er fallegra, þetta eða það íslenska :)

Frá Mt Cook keyrðum við svo heim á leið þreytt en sátt með ferðina.

Það er nokkuð ljóst að ég stiklaði á stóru í þessari ferðasögu en nánari lýsing hefði held ég orðið allt of löng lesning :) Eins og alltaf koma hér á eftir myndir úr þessari ferð og vona ég að þið njótið vel.

Kveðja,
Guðrún sem er að fara að læra :)

Sma kvedja....

2008-01-23T01:26:00.000-08:00

Erum a ferdalagi um sudur eyjuna. Keyrdum eftir strondinni nidur til Dunedin og thadan yfir til Queenstown i dag. Verdum einhverja daga i vidbot.... Forum i jet boating i dag thar sem madur fer a allt ad 80 km hrada nidur jokulsa. Body surfing a morgun....

Skrifum betra blogg thegar vid komum aftur til Christchurch :)

Kvedjur
G+E

Antarctica center

2008-01-16T21:36:00.000-08:00

Ég mátti til að nefna það að við skelltum okkur í Antarctica center um daginn. Þetta var ágætis staður en við urðum þó fyrir vonbrigðum þar sem búið var að auglýsa heljarinnar mörgæsasýningu en í staðinn voru þarna örfáar litlar mörgæsir sem létu varla sjá sig. Ástæðan fyrir því að ég ætla samt að benda á þennan stað er að þarna er fólki boðið upp á að upplifa snjóstorm. Maður klæðir sig í úlpu (en er áfram á stuttbuxum) og fer inn í klefa þar sem á að vera hrikalegur stormur. Við íslendingarnir stóðum þarna inni heillengi og það kom smá vindhviða, blés aðeins upp bera leggina en við getum nú ekki sagt að við höfum orðið vör við mikinn storm, hvað þá snjó! Það var verra veður í Keflavík daginn sem við ætluðum úr landi! Það var svo lítið annað að gera á "suðurpólnum" en að renna sér í snjónum og borða ís!

Annars ætla ég að koma því á framfæri að ég er að fara að lesa og Einar fór á æfingasvæðið í dag.... jamm pabbi ;)

Kveðja,

víkingarnir

Myndir af höfrungasundinu

2008-01-16T21:15:00.000-08:00

Jæja, einnota vatnsmyndavélarnar skiluðu ekki alveg eins góðum árangri og við höfðum vonað. Við ákváðum samt að skella inn nokkrum myndum, bara til sýna að við hefðum verið þarna. Það getur svo hver og einn ímyndað sér í eyðurnar.....

Kveðja,

höfrungasundmennirnir

Akaroa aftur

2008-01-15T23:27:00.001-08:00

Jæja, þá erum við komin aftur til Christchurch eftir að hafa gist í Akaroa í nótt. Við gistum á hosteli rétt fyrir utan bæinn sem var mjög skemmtilegt. Við fengum lítið múrsteinshús fyrir okkur fjögur en fyrir utan og inni í húsinu við hliðina á þessu húsi var mjög fín sameiginleg aðstaða til að elda, sturtur og salerni. Við fórum út að borða í Akaroa í gærkvöldi og ég fékk mér aftur disk með blönduðum fiski sem var reyndar um helmingi stærri núna. Mjög góðar risarækjur, hörpuskel, grillaður hvítur fiskur ofl. Einar fékk sér pizzu með miklu kjöti sem var alveg að hans skapi. Þetta var mjög notaleg kvöldstund.

Í morgun vöknuðum við svo snemma og fórum út á bát fyrir utan Akaroa. Tilgangurinn með þessari bátsferð var að finna litla sjaldgæfa höfrunga sem heita Hector höfrungar. Það átti þó ekki að láta það duga að horfa á þá heldur vorum við klædd í blautbúninga og vopnuð snorkle grímum til að skella okkur út í vatnið til þeirra og busla með þeim. Þetta heppnaðist ótrúlega vel. Við fundum hóp eftir hóp af þessum skemmtilegu litlu dýrum (þeir verða mest 140 cm á lengd) og eyddum heilmiklum tíma í vatninu með þeim. Við vorum með vatnsheldar einnota vélar með okkur og fórum með þær í framköllun í dag. Við vonum að það hafi komið einhverjar myndir út úr þessu öllu til að þið getið séð þessi mögnuðu dýr! Þetta var í heildina algjörlega ólýsanleg upplifun og klárlega eitt það skemmtilegasta sem við höfum nokkurn tíma gert. Eftir þetta allt saman sigldum við um svæðið og skoðuðum hella og fleira sem eldgos fyrri tíma höfðu búið til en þess má til gamans geta að Akaroa svæðið myndaðist allt í eldgosi.

Á leiðinni heim litum við inn í mjög skemmtilegan garð við The Giants House (Hús risans) og var sú skoðunarferð eins og að stíga inn í ævintýri. Ég var í einhverjum vandræðum með myndavélina í garðinum og sumar myndirnar urðu yfirlýstar. Við setjum inn nokkrar góðar til að þið fáið smá hugmynd um fígúrurnar sem við rákumst á :)

Það eru svo vaktir næstu daga á slysadeildinni en svo er aldrei að vita hvað við tökum okkur fyrir hendur!

Bestu kveðjur

Guðrún og Einar

Polly

2008-01-14T19:33:00.001-08:00

Við máttum til að kynna ykkur fyrir þessum skemmtilega hundi sem við rákumst á hér á götum Christchurch um daginn. Hún heitir Polly og var að skemmta vegfarendum í listahverfinu. Hún gerði ýmislegt skemmtilegt meðal annars að þeysa um á hjólabrettinu sínu og ýta á flautuna til að fá nammi. Hún dansaði rokk, gat gelt í samræmi við tölur sem voru nefndar, gelt í takt við sungin lög og sótt peninga sem maður henti á gangstéttina og sett í hatt. Það má einnig benda á myndina þar sem hún er með nammið á trýninu en hún hélt því þar þangað til henni var boðið að fá sér. Undirrituð hafa lengi reynt að fá Tinna til að sætta sig við að geyma nammi á trýninu með lélegum árangri og sælkerinn Orri er þeim mun verri í þessum málum. Þetta kemur einhvern daginn!

G + E

Kayakar, kláfar, brimbretti og minigolf

2008-01-14T16:02:00.000-08:00

Góðan daginn

Hér á Nýja Sjálandi er 15. janúar í dag sem er afmælisdagurinn hans pabba. Við óskum pabba því til hamingju með daginn og vonum að hann hafi það sem best í dag :)

Það eru annars komnir nokkrir dagar síðan við skrifuðum síðast. Á föstudeginum fórum við á kayak niður ánna hérna í Christchurch. Það var ljúft og gott veður og við nutum þess í botn að vera í bátunum.

Það var mjög heitt hérna um síðustu helgi, fór yfir 30 gráður. Við áttum í smá erfiðleikum með þennan hita og gerðum nú bara lítið á laugardeginum. Ég var líka á nætuvakt aðfaranótt laugardagsins þannig að ég svaf fram eftir degi. Einar fór í golf en gafst upp þegar tvær holur voru eftir vegna þess hversu heitt var. Á sunnudeginum fórum við á brimbretta námskeið hérna í Christchurch. Þetta var vægast sagt spaugilegt allt saman. Við vorum þarna fjögur að brasa við það að standa á fætur á brettunum en enduðum langoftast á hvolfi ofan í vatninu að berjast við það að fá brettið ekki í höfuðið. Þetta var samt mjög skemmtilegt og við ætlum án efa að fara aftur í þetta.

Í gær fórum við upp á fjall hérna við borgina með kláf (eða gondola eins og þetta heitir hér) en þetta var rúmlega 900 metra ferð upp á við. Útsýnið þarna uppi var frábært og gaman að sjá yfir í bæina hinum megin við fjöllin. Við fengum okkur kaffi á veitingastað þarna uppi og höfðum það notalegt. Á leiðinni til baka rákumst við á mini golf völl og skelltum okkur að sjálfsögðu einn hring. Það kemur víst fæstum á óvart að Einar vann aftur en það er þó skemmtilegt að nefna að við Sirrý og Bjartmar fórum öll holu í höggi og golfarinn er þannig eini í hópnum sem hefur ekki afrekað þetta síðan við komum hingað út. Það verður þó að viðurkennast að hann spilaði ögn stöðugara golf en við hin sem fórum holurnar allt frá einu höggi upp í 16 (hmmm Bjartmar!!)

Í gærkvöldi grilluðum við svo í Hagley Park sem er stór garður hérna í borginni og skemmtum okkur konunglega fram eftir kvöldi.

Í dag er fyrirhugað að fara á æfingasvæðið og slá nokkrar kúlur (athugið að ég ætla með Einari að æfa mig!) og seinnipartinn leggjum við í hann til Akaroa þar sem við gistum í nótt. Í fyrramáli erum við búin að panta (já, við pöntuðum fyrirfram!) siglingu og sund með höfrungunum þarna fyrir utan.

Við setjum hérna inna nokkrar myndir frá síðustu dögum en myndirnar frá brimbretta námskeiðinu koma seinna þar sem við þurfum að fá þær frá Sirrý og Bjartmari.

Komum næst með fréttir af höfrungasundinu.....

Kveðja,
Guðrún brimbrettasnillingur

Akaroa

2008-01-10T02:42:00.000-08:00

Jæja þá erum við komin á bíl. Einar og Bjartmar fóru í leiðangur á meðan við Sirrý tókum fyrstu vaktina á slysadeildinni og prúttuðu á bílaleigum. Það tíðkast nú ekkert endilega hérna að bílaleigubílar séu af nýjustu gerð eins og heima. Við fengum besta tilboðið á Nissan Bluebird, 1999 árgerð og rúntum nú um Christchurch, vinstra megin á veginum, á þessari drossíu!

Fyrsta daginn sem við höfðum bílinn fórum við öll saman í bíltúr til Akaroa sem er lítill bær við sjóinn í um 1 1/2 klst fjarlægð. Það er reyndar hægt að keyra einhverja "túrista" leið þangað sem við gerðum auðvitað og hún er mun lengri og hlykkjóttari upp og niður brekkur. Á þessari leið lentum við líka einu sinni inni í miðjum kindahóp!

Í þessum bæ settust frakkar fyrst að á sínum tíma árið 1840 og búa afkomendur þeirra ennþá í bænum. Íbúatalan er núna tæplega 580 manns! Það er ýmislegt skemmtilegt að gera á svæðinu en það sem virðist vera vinsælast eru ýmiskonar siglingar til að skoða mörgæsir eða skoða og/eða synda með höfrungum. Við vonuðumst eftir því að geta tekið smá sundsprett með höfrungunum en það þarf víst að bóka það með nokkurra daga fyrirvara þannig að við geymum það aðeins. Við fórum hinsvegar á sjókayak þarna í frábæru veðri og nutum þess í botn. Þetta var svo líka góður bær til borða sjávarfang og við fengum okkur þess vegna hádegismat þarna til að ég gæti smakkað góðan fisk. Ég fékk disk með litlum humri, risarækju, kræklingi, reyktum laxi, hörpudiski ofl (sjá mynd) Þetta var mjög góður matur og ekki skaðaði að fá sér eitt gott glas af Akaroa hvítvíni með.

Í dag slöppuðum við svo af heima og ég fór á kvöldvakt á slysadeildinni. Á meðan ég var á kvöldvakt brunaði Einar á glæsivagninum og æfingasvæði hér á svæðinu og sló nokkra tugi bolta. Hann spjallaði við starfsmenn þar og er nú kominn með frían hring á einum af völlunum hérna og gott tilboð á félagsgjöldum fyrir tímann sem við erum hérna ef hann vill. Hann hafði þá áður fengið bók með afsláttarmiðum á ýmsa velli í golfbúð hérna nálægt. Hann er ekki lengi að þessu drengurinn!

Við Sirry ætlum svo að taka eina næturvakt um helgina en svo erum við í fríi þangað til um miðja næstu viku. Það er spáð góðu veðri um helgina þannig að það er aldrei að vita hvað við bröllum.....

Þar til næst, bestu kveðjur,
Kiwiarnir

Upplýsingar um okkur og nokkrar myndir

2008-01-06T18:18:00.000-08:00

Heimilisfang:

Unit 2L, 66 Armagh Street
Christchurch, New Zealand

Símanúmer:

Guðrún: +64-02102-686064

Einar: +64-02102-686023

Skype:

Gudrun Thuridur og Einar Haukur

Tölvupóstföng:

gthh@hi.is

einar_haukur@hotmail.com

Msn:

gthuridur@hotmail.com

einar_haukur@hotmail.com

og nokkrar myndir héðan úr Christchurch (þeir búa til rosalega gott súkkulaði- og karamellu fudge hérna!!)

Ströndin, minigolf og mörgæsir

2008-01-05T21:11:00.000-08:00

Jæja, við höfum dundað ýmislegt síðan síðast....

Byrjuðum á því að fara á ströndina í gær með Sirrý og Bjartmari (sem eru ferðafélagar okkar) í þessu líka fína veðri. Það var heldur fínt ef eitthvað er þar sem sólin skildi eftir sig merki víðsvegar á hvítum íslenskum kroppunum þrátt fyrir bað í sólarvörn nr 30. Við teljum okkur þó hafa sloppið merkilega vel en lítum út eins og spennandi landakort þar sem það virðast hafa verið helgidagar í sólarkreminu hingað og þangað.

Eftir strandarferðina fórum við svo í minigolf og þrátt fyrir að golfarinn hafi nú haft vinningin í hópnum má nefna að Guðrún fór tvisvar holu í höggi (og dró að sjálfsögðu upp Team Hjarðó bolinn til að merkja stundina!) og Bjartmar einu sinni (vísa í myndir hér fyrir neðan!) Þetta var heljarinnar minigolf völlur með sjóræningja þema og mátti maður hafa sig allan við í tilraun sinni við að koma kúlunni yfir hæðir og hóla, í gegnum ýmiskonar göng og framhjá tunnum og fleiru. Sólin náði aðeins að sleikja okkur áfram á meðan við vorum í þessu þar sem hitinn var gríðarlegur og blankalogn.

Eftir skemmtilegan dag enduðum við á skemmtilegum kínverskum veitingastað, undirstrika skemmtilegum þar sem ekki var alveg ljóst hvað við vorum að borða og bragðið aðstoðaði lítið í þeim málum. Ekki besti kínverski matur sem við höfum fengið.

Í dag fórum við á stóran markað sem er alla sunnudaga hérna aðeins fyrir utan miðbæinn. Þar mátti finna ýmiskonar ferska ávexti, grænmeti, hnetur, nammi, mat frá ýmsum löndum, gömul föt, húsgögn og garðálfa svo eitthvað sé nefnt.

Eftir markaðinn fórum við svo í Antarctic center þar sem við veifuðum litlum bláum mörgæsum og kynntum okkur málin á suðurpólnum.

Í kvöld höfum við svo boðið Sirrý og Bjartmari í mat og styttist í komu þeirra.

Við kveðjum því að sinni.

G + E

ps. máttum til að bæta inn einni mynd af okkur að borða morgunmat á svölunum....

2008-01-04T01:38:00.000-08:00

Eitt í viðbót.....

Fyrir þá sem ekki rata á Nýja Sjálandi kemur hér kort af landinu. Við búum í Christchurch sem er á suður eyjunni

Fyrsta færslan...

2008-01-03T23:47:00.000-08:00

Jæja, þá er það frumraunin okkar beggja í bloggskrifum :) Við erum loksins komin hingað til Nýja Sjálands, eftir margra mánaða bið. Það gekk á ýmsu á leiðinni hingað og byrjaði ferðalagið með 5 klukkutíma seinkun í Keflavík sökum veðurs. Vegna þessa misstum við af flugvélinni í London til Los Angeles, vélinni þaðan til Nýja Sjálands og innanlandsfluginu hér. Við enduðum á því að fljúga frá London til Hong Kong og þaðan til Auckland (á Nýja Sjálandi) og frá Auckland hingað til Christchurch. Þetta gekk nokkuð vel fyrir sig fyrir utan það að við komuna hingað til landsins uppgötvaðist að golfsettið hans Einars hafði orðið eftir í London (flugvélin var víst of hlaðin farangri til að settið kæmist með!)

Fyrstu dögunum höfum við aðallega eytt í að berjast við tímamismunin, vöknum almennt klukkan sex á morgnanna og erum farin að berjast við augnlokin um sjöleytið á kvöldin. Íbúðin sem við fengum er mjög fín og við erum búin að fara í góða göngutúra um hverfið og líkar bara vel.

Í dag fórum við svo í skoðunarferð um dýragarð hérna fyrir utan borgina og endum á því að setja nokkrar myndir inn af þeim sem við hittum þar. Ég byrja svo í verknámi mínu á sjúkrahúsinu eftir helgina og Einar (sem fékk golfsettið sitt í gær) mun fara og skoða golfvellina hér á svæðinu þá.

Þar til næst, hafið það sem allra best :)

Guðrún og Einar